Fshati me histori 2400-vjeçare, pa ujë, pa rrugë, pa ndriçim

Fshati Cuke fare pranë Sarandës, vetëm 4 km nga qendra e saj, eshte një nga te vetmet zona tashmë pjesë e bashkisë se madhe Sarandë qe vuan mungesën e ujit, rrugës dhe ndricimit publik. Një vit më parë, banorët e kësaj zone te gëzuar pritën lajmin se do të jenë pjesë e bashkisë së madhe me zgjerim te kufijve të saj.  Në fushatën elektorale, erdhën këtu disa biznesmenë te majtë e të djathtë, të cilët hodhen inerte dhe cakëll për të rregulluar rrugën e automjeteve. Gjithashtu ,këta biznesmenë vendosën dhe një tubacion të ri plastik për ujin e pijëshëm. Më pas, askush nuk është parë nga bashkia, madje as 4 nënkryetarët e saj të vijnë të takojnë banorët e ti pyesin si jetojnë dhe cfarë i shqetëson. Sipas banorëve të këtij fshati ,uji i pijshëm herë vjen një orë në ditë herë s`vjen fare. Rruga eshte e pa asfaltuar me baltë dhe gropa. Nëse ke një hall dhe kërkon një taksi askush nuk te vjen deri te shtëpia pasi amortizimi i rrugës është problem serioz për lëvizjen e makinave. Komuniteti i këtushëm tregon se gjatë natës nuk ka ndricim dhe levizja me këmbë është e rrezikshme. Gropat ne rrugët e ngushta nga ndertimet pa kriter buze rrugës janë një rrezik serioz si për automjetet dhe për këmbësorët. Në disa pjesë të fshatit ne fushatën elektorale u vendosën ndricues nga ndermarrja e sherbimeve në bashki por investimi u la në përgjysëm dhe një pjesë e madhe e fshatit nuk ka ndricim publik. Me qindra kërkesa kanë mbërritur në këshillin bashkiak dhe në bashkinë e re te madhe por asnjë përgjijge zyrtare nuk erdhi kurrë tek ky komunitet që meriton të jetojë si gjithë të tjerët . Banorët e këtushëm paguajnë taksa ndriçimi, gjelbërimi dhe pastrimi pavarësisht se këto shërbime nuk i shijojnë. Shpesh-herë, vete banorët i rregullojnë rrugët me investimet e veta duke thënë me njeri-tjetrin se shteti ka marrë fund dhe skemi më shpresa tek ai. Vetem 4 km larg Sarandës dhe godinës së bashkisë, këta njerëz meritojnë të jetojnë të barabartë me të gjithë qytetarët e tjerë. Pse duhet që një administratë e tërë të injorojë këta njerëz dukë i harruar plotësisht. Thjesht të zgjedhurit vendor duhet te dinë se këtu në Cukë 2400 vjet më parë kishte jetë dhe se uji i pijëshëm nuk mungonte ashtu si dhe rruga. Gjurmët antike të ndërtimeve u harruan sic cdo gjë në këtë zone. Le të shprësojmë se të zgjedhurit tanë do të zgjohen nga gjumi harresës, duke filluar me infrastukturen e fshatit dhe më pas mbase kujtohen se këtu si në pak vende të botës, kemi mure të gjalla të botës antike të cilat mund të vizitohen nga turistet e huaj,studiuesit, historianet, etj.