Është zhvilluar në Edremit (Turqi) simpoziumi arkeologjik nga projekti për bashkëpunimin kulturor ndërkombëtar i Këshillit të Europës, i cili ka çertifikuar si itenerar kulturor “Rrugëtimin e Eneas së Trojës”.
Parku Arkeilogjik i Butrintit është përfaqësuar në këtë simpozeum nga drejtori i tij Eri Sulo.
Qyteti Antik i Butrintit, i cili ndodhet në zemër të Parkut Kombëtar Butrint, sipas legjendës është ndërtuar nga trojanët. Enea u ndal edhe në Butrint, ku takoi një tjetër trojan, Helenin dhe Andromakën, nga ku më pas vijoi rrugëtimin e tij drejt tokës së premtuar.
Pas rënies së Trojës Enea rrugëtoi në kërkim të një toke të re, ku ai të rindërtonte Trojën.
Eri Sulo shprehet se “jemi duke parë mundësinë që simpoziumin e rradhës në nivel ndërkombëtar ta zhvillojmë në Butrint”.
