Dështim me “sukses të plotë” aktiviteti i Bashkisë Sarandë, spektatorë vetëm administrata

Ka dështuar plotësisht aktiviteti i organizuar nga Bashkia Sarandë e cilësuar si “Veprimtari me Veteranët e Futbollit”.
Pavarësisht se për nga organizimi dukej se ishte shpenzuar shumë, shkallët e stadiumit Andon Lapa sot ishin të boshatisura nga sportdashësit, pasi për këtë aktivitet nga ana e organizatorëve nuk ka patur asnjë njoftim për qytetarët, çuditërisht as në faqen në facebook të Bashkisë Sarandë.
Në karriget e tribunës kryesore kanë qenë të ulur vetëm disa punonjës të bashkisë apo familjarë të tyre, ndërsa shkallët e stadiumit ishin të boshatisura.

Pavarësisht se fillimisht ishte njoftuar se eventi do të zhvillohej me 4 ekipe, veteranët e Luftëtarit nuk janë paraqitur.
Ende nuk është dhënë ndonjë shpjegim se pse nuk u ftuan në këtë event veteranët e ekipit të Bistricës së Delvinës.

https://www.instagram.com/p/B9bZMhSnGN6/?igshid=1rw1c8zgf9xhd