Delvinë – Zjarri djeg edhe shtëpinë e një polaku – VIDEO

13/08/2521:07

Shperndaje:

Delvinë – Zjarri masiv shkrumbon edhe shtëpinë e një shtetasi polak në lagjen Llak

Nata e kaluar ka qenë e rëndë për qytetin e Delvinës, ku zjarri i madh, për të cilin kemi raportuar më herët, ka shkrumbuar pyjet në periferi të qytetit dhe ka rrezikuar djegien e qytetit. Mes disa shtëpive, flakët kanë përfshirë plotësisht edhe shtëpinë e një shtetasi polak, e ndodhur në lagjen Llak, pranë një pylli të bukur me pisha.

Delvinë – Zjarri djeg shtëpinë e një polaku

Në momentin e ngjarjes, pronari polak nuk ndodhej në banesë. Fqinjët, të alarmuar nga përhapja e flakëve, u përpoqën me çdo mënyrë të shpëtonin shtëpinë, por zjarri, i nxitur nga era dhe temperaturat e larta, u përhap me shpejtësi duke e kthyer gjithçka në hi.

Fatmirësisht nuk ka pasur të lënduar, por dëmet materiale janë të plota. Banorët e lagjes shprehen të tronditur nga pasojat e këtij zjarri shkatërrimtar dhe njëkohësisht të trishtuar që nuk patën mundësi ta shpëtojnë nga djegia.