Delvinë: Dhunon babanë e moshuar, arrestohet 32-vjeçari
Një 32-vjeçar nga Delvina është arrestuar sot nga policia, pasi akuzohet për dhunë në familje.
Sipas njoftimit të Komisariatit të Policisë Delvinë, pas denoncimit të babait të tij të moshuar për ushtrim dhune fizike, efektivët ndërhynë menjëherë duke shoqëruar dhe më pas arrestuar të dyshuarin.
Burime pranë policisë bëjnë me dije se ky është një rast i përsëritur dhune, ndërkohë që 32-vjeçari ka qenë më herët i proceduar për vepra të tjera penale, përfshirë kanosjen me thikë dhe dëmtimin e motoçikletës në muajin maj të këtij viti.
