Delvina në panik: Po na shuajnë emrin

Qyteti i Delvinës prej mbrëmjes së djeshme po përjeton një panik, pas përhapjes së lajmit për transferimin e Drejtorisë Arsimore Delvinë drejt Bashkisë së Finiqit.
Lajmin e ka shpërndarë nëpërmjet një postimi në facebook kryetari i Degës së PD Delvinë Hari Imeri, i cili i fton qytetarët e Delvinës, të cilëve iu drejtohet me fjalën “bashkëvuajtës”, të reagojnë dhe ta kundërshtojnë këtë veprim, pasi sic thotë ai, po shkohet drejt shuarjes së emrit të qytetit.
STATUSI:
Te dashur bashkevuajtes delvinjot.
Po projektohet per ta gremisur Delvinen ne honet e historise.
Delvinen e vlerave,qytetarise,mikepritjes dhe bujarise.
Delvinen e firmetareve te pavaresise,vendelindjen e Kryeministrit te pare shqiptar Sulejman Delvines.

Njoftohem sot nga disa miq arsimtar dhe patriot se po punohet ne heshjte me hapa te rrufeshem per transferimin e Drejtorise Arsimore Delvine drejt Bashkise se re Finiq.

I bej apel perfaqesuesve te Zyres Arsimore,mesuesve dhe nxenesve te bojkotojne oraret mesimore ne shenje proteste qe ky projekt te mos realizohet sepse do te ishte fatale per Delvinen tone.

Mosreagimi i transferimit te Institucioneve (Gjykat,Prokurori,Hetuesi,Hipotek,etj ) 21 vite me pare,mosreagimi i plote ne referendumit qe organizuam ndaj projektit per ndarjen territoriale ku mundesuam vetem 1000 firma dhe nuk mjaftoi per pezullimin e projektit dhe mosreagimi i gjithe qytetareve ndaj ketij projekti ne heshtje ,do te sjelli mjerimin total te qytetit tone te dashur.

Eshte koha te reagojme ose emri Delvine do te shuhet pergjithmone…

Delvina e para.
Delvina mbi ç’do interes personal,politike.