Del në treg revista e parë turistike për Sarandën dhe Ksamilin

Saranda Magazine
Del në treg revista e pare turistike për Sarandën dhe Ksamilin

Saranda Magazine është një medium i ri për qytetin, në faqet e së cilës do të gjejnë hapësirë të gjithë, miqtë dhe mikpritësit.
Duke parë rritjen e Sarandës si destinacion dhe kërkesat e vizitorëve për informacion ndryshe, apo duke ndjekur panaire dhe aktivitete që zhvillohen nëpër Botë, ku prezantohet edhe Saranda si një prej destinacioneve më të mëdha e më të rëndësishme shqiptare, ne realizuam dhe sollëm një produkt informativ dhe reklamues që do t`ju shërbej të gjithëve.
Një botim që flet nën një gjuhë frymëzuese përtej asaj fikse, dhe një prezantimi standart të vendeve dhe aktiviteteve që vijnë nën formatin e nje guide.
Dy fjalë për edicionin e pare: Duke përdorur edhe eksperiencën e madhe që ne kemi me këtë destinacion, ne ju kemi listuar eksperiencat më të mira që ja vlejnë të përjetohen nëse jeni në Sarandë.
Kemi folur për aventura të veçanta, për risi dhe prurje të reja në qytet, për ture që do të habiteni kur t`i gjeni në brendësi të revistës, kemi listuar plazhet më të bukura, monumentet, hotele të reja dhe ekzistuese, restorantet dhe chef-at që e bëjne Sarandën dhe Ksamilin një destinacion kulinarie, produktet e origjinës, recetat e vjetra dhe ju kemi dhënë ide pa fund për format dhe mënyrat e argëtimit apo se ku mund të blini e gjeni produkte unike.
Saranda Magazine Editor`s