Damian Gjiknuri me peshkatarët: Subvencionimi i karburantit, angazhim i përmbushur


.
Kordinatori politik i Partisë Socialiste për Qarkun e Vlorës Damian Gjiknuri, shoqëruar nga deputeti aktual Edmond Leka dhe kandidati për deputet Anduel Tahiraj, zhvilluan një takim me peshkatarët e zonës së Radhimës dhe Orikumit. Gjiknuri tha se tashmë kjo skuadër vjen në zonë me krenarinë që natyrshëm rrjedh nga përkujdesja që ka pasur qeveria për sektorin e peshkimit, vëmendje e cila do të jetë e shtuar gjatë mandatit të tretë qeverisës.
“Mos e shikoni zhvilllimin e Vlorës të lidhur ngushtë vetëm me miniportin apo me detin, pasi nëse zhvillohet ky qytet dhe zhvillohet kjo hapësirë turistike, automatikisht do të jetë dhe zhvillim për ju. Kemi realizuar disa gjëra sa i përket sektorit të turizmit, siç ishte çështja e rimbursimit të karburantit, por mbi të gjitha për Vlorën ka një projekt të madh. Një Vlorë e zhvilluar turistike, padiskutim do të sjellë garanci për të gjithë punën tuaj, të lidhur me detin dhe ekonimë detare”, u shpreh Gjiknuri.

VIDEO

Investimet janë shtrirë edhe në sektorë të tjerë sikurse është energjitika, sipas Gjiknurit projektet e nisura në energjitike do të finalizohen me vendosmërinë e qeverisë.

“Nëse projekti i nisur për investimin në rrjetin energjitik, nuk do të përfundojë brenda një kohe të shkurtër në bashkëpunim me qeverinë italine sikurse ishte parashikuar, kemi zotimin e Kryemistrit se shumë shpejt projekti do të finalizohet gjithësesi me të ardhurat e Buxhetit të Shtetit“, premtoi Gjiknuri.

Kandidati për deputet Anduel Tahiraj tha se skuadra fituese e 25 Prillit është garanci se punët e nisura do të vijojnë të përmirësojnë jetën e punonjësve të peshkimit dhe familjeve të tyre.

“Jemi këtu jo vetëm për të ju thënë se ne jemi alternativë më e mirë dhe e besueshme por edhe për të dëgjuar të gjitha problematikat që keni jo vetëm në sektorin ku punoni por edhe në zonë. Ne do të vijojmë intensivisht komunikimin me ju edhe në fshatra për të qenë me afër zgjidhjeve të cilat mund të ofrohen për momentin dhe çfarë mbetet për tu zgjidhur pas 25 Prillit. Këto do ti bëjmë bashkë, sepse kjo nuk është çështje flamujsh, është çështje besimi”, insistoi Tahiraj.

Gjatë këtij takimi peshkatarët e zonës së Orikumit dhe Radhimës, parashtuan problematikat e sektorit të tyre, zgjidhja e së cilave do të jetë e mundur pas 25 Prillit, me ndërtimin e portit të peshkimit dhe skemave të mbështetjes së sektorit.

NDAJE ME MIQTË

NA NDIQNI:

POSTIMET E FUNDIT

Qeveria kundërshton shfuqizimin e ndryshimeve në ligjin për zonat e mbrojtura
Lexoni më shumë
Pragu i TVSH zbret në 5 milionë lekë: Mijëra fermerë rrezikojnë të humbasin kompensimin 10%
Lexoni më shumë
Nga 1 janari 2027 ulen tarifat e pasaportave dhe kartave të identitetit për tri kategori
Lexoni më shumë
Aksident tragjik: humb jetën shefi i Krimeve të Rënda në Vlorë Ermal Lula
Lexoni më shumë
Tuneli i Llogarasë 82 milionë euro dëm shtetit. SPAK: Belinda Balluku orientoi tenderin
Lexoni më shumë
Ambasadori amerikan Eric Wendt vizitë në Sarandë dhe qytetin antik të Butrintit
Lexoni më shumë