Mbërritën edhe në Sarandë dekoderat digitalb, nismë kjo e qeverisë shqiptare dhe Ministrisë së Mirëqenies Sociale dhe Punës për të dhuruar për familjet në nevojë dekodera digitalb.
Për shpërndarjen e këtyre dekoderave në territorin e Bashkisë Sarandë është kujdesur personalisht kryetarja e Bashkisë Florjana Koka , e cila ka zgjedhur t`ua dorëzojë me dorën e vetë familjeve në nevojë. I pranishëm ishte edhe i deleguari i PS për Qarkun Vlorë Damian Gjiknuri.
Megjithëse 163 familjet në nevojë kishin pritshmëri të tjera si punësim apo ndonjë mrekulli tjetër në këtë prag Viti të Ri, qeveria vendosi t`u dhurojë vetëm mjete propagande dhe argëtimi.
Por megjithëse familjet në nevojë morën si dhuratë nga qeveria, nëpërmjet dorës së kryetares së bashkisë dekoderat, mbetet e paqartë se cilët kanale do të mund të shikojnë ata me këto dekodera, pasi në Sarandë deri tani në frekuencat dixhitale mund të shikohen vetëm kanalet greke.
