Dita e nesërme është dita kur demokratët e Sarandës kanë “turnin” e Çadrës.
Kjo është hera e tretë brenda pak javëve që demokratët e Sarandës marrin rrugën drejt Tiranës.
Në ditën e parë të protestës nga Saranda drejt Tiranës udhëtuan rreth 250 anëtarë dhe simpatizantë.
Natën e parë në Çadër e kaluan natën rreth 40 demokratë. Por me kalimin e ditëve të protestës edhe numri i vullnetarëve të Çadrës po bie.
Të enjten e kaluar nga Saranda udhëtuan drejt Çadrës rreth 100 demokratë, ndërsa numri i personave që do të udhëtojnë nesër drejt Çadrës ka rënë në 50 persona.
Ende nuk ka ndonjë shpjegim pse po bie numri i vullnetarëve të Çadrës nga Saranda.
