Besmir Veli: Së shpejti Biblotekë e re për të rinjtë e qytetit të Delvinës

Bibliotekë e Re për Të Rinjtë e Delvinës

Kryetari i Bashkisë Delvinë, Besmir Veli, njoftoi se shumë shpejt një bibliotekë e re do të hapë dyert për të rinjtë e qytetit të Delvinës, një hapësirë e dedikuar librit dhe dijes që do të ofrojë mundësi të pafundme për zhvillimin e tyre intelektual dhe profesional.

Në një postim të tij në faqen e tij zyrtare në Facebook, Veli shprehu gëzimin për nënshkrimin e kontratës së bashkëpunimit me Drejtorin e Agjencisë Kombëtare të Rinisë, Z. Geron Ibrahimi, për realizimin e këtij projekti ambicioz. Biblioteka rinore do të shërbejë si një qendër edukative, kulturore dhe profesionale për të rinjtë e Delvinës dhe do të ofrojë mundësi të shumta për rritjen e dijes dhe aftësive të tyre.

Kjo qendër do të ketë shumë më tepër se një bibliotekë tradicionale. Ajo do të sigurojë:

✅ Akses në literaturë bashkëkohore dhe materiale digjitale.
✅ Trajnime dhe aktivitete për fuqizimin e të rinjve, veçanërisht për ata në kushte të disavantazhuara ose me aftësi të kufizuara.
✅ Hapësira për evenimente artistike, letrare dhe diskutime tematike.

Nëpërmjet këtij projekti, do të krijohet një mjedis gjithëpërfshirës dhe të barabartë, ku të rinjtë do të kenë mundësi të zgjeroni horizontet e tyre dhe të ndërtojnë një të ardhme më të mirë.

Kjo bibliotekë pritet të ndikojë në jetën e rreth 400 të rinjve, duke i ofruar atyre një mundësi të shkëlqyer për të zhvilluar pasionet dhe aftësitë e tyre.

Sipas Besmir Velit, ky projekt do të sjellë një vlerë të shtuar për qytetin, duke e shndërruar atë në një qendër të dijes dhe zhvillimit, e cila do të jetë një burim frymëzimi dhe mundësish për të rinjtë e Delvinës.