Sipas njoftimit më të fundit nga Bashkia Sarande, aksioni për lirimin e hapësirave publike, aksion që sipas paralajmërimit të Bashkisë, kundravajtësit kudo e kushdo qofshin do të përballen me veprimin e specialistëve të ndërmarrjes së shërbimeve, të mbeshtetur nga uniformat e Policisë Bashkiake, ka mbërritur në rrugën Turizëm – Kanali i Çukës, ku sic shihet nga fotot, janë hequr disa vazo lulesh, të cilat ishin vendosur nga bizneset për pengimin e parkimit të automjeteve, por edhe për të krijuar një ambjent sa më të këndshëm.
Nga ana tjetër, në një prej rrugëve më të frekuentuara kemi një trotuar totalisht të bllokuar, të cilin do të vijojmë ta sjellim në vëmendje, pasi duket se Bashkia Sarandë “nuk e ka parë” akoma. 
