Basha: Partia Socialiste ka humbur thellë, PD po rritet

Kryetari i Partisë Demokratike, Lulzim Basha gjatë një deklarate nga selia blu u shpreh se në këto zgjedhje Partia Socialiste po pëson një humbje të thellë.

Kreu i PD-së theksoi se deri më tani janë numëruar qendrat e përcaktuar nga partia në pushtet, që janë cilësuar historikisht si bastione të majta.

“Qendrat e para që numërohen janë qendrat që janë përcaktuara nga partia në pushtet dhe favorizojnë partinë në pushtet. Thënë kjo PS ka humbur thellë numrin e votave të numëruara në Tiranë, në zonat e mbyllura në Përmet, Këlcyrë dhe Memaliaj. Kemi të bëjmë me një humbje të thellë të PS-së dhe rritje të numrit për PD-në, për koalicionin për ndryshim”, u shpreh kreu i PD-së.