Banorët e fshatit Nivicë janë shokuar nga përgjigjia që kanë marrë nga ministri i Transporteve dhe Infrastrukturës, njëherësh edhe deputet i zonës Damian Gjiknuri, pas lutjes së tyre për të ndërhyrë për hapjen e rrugës, e cila është ndërtuar me fonde publike, rrugë që con drejt plazhit publik në Kakome.
Përgjigjia e shkurtër e ministrit të rrugëve ishte se “Kam bërë fjalë me atë Luanin e s`po më dëgjon”
Ende nuk dihet nëse ministri Gjiknuri me fjalën Luan donte të perifrazonte ndonjë njeri të fuqishëm apo e kishte fjalën për Luan Lekën, për të cilën banorët e Nivicës thonë se është njeriu që ka vendosur rrethimin në Kakome, por ajo që shokoi banorët ishte pafuqia e një ministri transportesh dhe infrastrukture për të hapur rrugët, të cilat shteti shqiptar i ka ndërtuar me fonde të vetat dhe rrugë që shërbejnë për të mundësuar frekuentimin e plazheve publike.
Pasi moren kete pergjigje banoret vendosen te shkojne drejt plazhit te Kakomese duke hapur rrugen me formen e tyre.
