Arrestohet në Korçë autori i dyshuar i plagosjes së 2 personave në Sarandë

22/08/2512:28

Shperndaje:

Arrestohet në Korçë autori i dyshuar i plagosjes së 2 personave në Sarandë

 

Një operacion i shpejtë dhe i koordinuar mes Policisë së Vlorës, Forcës Operacionale të Drejtorisë së Përgjithshme të Policisë së Shtetit dhe Policisë së Korçës ka përfunduar me prangosjen e Ramadan Zotos, 43 vjeç, i dyshuar si autor i plagosjes së dy personave pak ditë më parë në Sarandë.

 

Dy të plagosur me armë në Sarandë – Policia dhe FNSH në kërkim të dy vëllezërve

 

Burime policore bëjnë me dije se Zoto u lokalizua në zonën e Korçës dhe u ndalua ndërsa lëvizte me një automjet tip “Audi”. Për shkak të rrezikshmërisë së lartë që paraqiste, ndërhyrja u realizua me një aksion të befasishëm, duke e neutralizuar pa shkaktuar incidente.

 

Gjatë kontrollit, 43-vjeçari kishte me vete një armë zjarri pistoletë me fishek në fole, e cila u sekuestrua menjëherë. Gjithashtu, policia njoftoi se janë gjetur edhe armë të tjera zjarri, ndërsa disa persona u shoqëruan për t’u marrë në pyetje mbi ngjarjen dhe lidhjet e mundshme me të dyshuarin.

 

Arrestimi i Ramadan Zotos u krye për llogari të Drejtorisë Vendore të Policisë Vlorë. Hetimet pritet të përqendrohen në zbardhjen e plotë të motivit të ngjarjes, rrethanave të saj dhe në identifikimin e bashkëpunëtorëve të mundshëm.

Policia ka bërë të ditur se operacioni është pjesë e një angazhimi të gjerë për rritjen e sigurisë dhe goditjen e elementëve kriminalë që përpiqen të fshihen në zona të ndryshme të vendit.

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb


Ndajeni me miqte:

Postimet e fundit

Jetojmë si qeni – E moshuara dhe djali saj me epilepsi jetojnë në kasolle dhe pa drita – VIDEO
NOI PREMIUM Cellar në qendër të Sarandës kërkon të punësojë 2 Shitës/e
E moshuara dhe djali i sëmurë në Delvinë jetojnë në një kasolle, OSHEE u ka prerë dritat – VIDEO
Të dielën drejtpërdrejt nëpërmjet Saranda Web derbi i madh Delvina – Butrinti
Fshati Kostar në Finiq i izoluar prej 12 ditësh – Banorët: “Jemi pa bukë, bashkia nuk do t’ia dijë” – VIDEO
Ksamil – Digjet plotësisht një lokal gjatë orëve të para të mëngjesit

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.