Dy shqiptarë të moshës 26 vjeçare janë arrestuar nga policia greke në rajonin e Igumenicës duke transportuar lëndë narkotike nga Shqipëria në drejtim të Greqisë.
Policia greke bën me dije se ka sekuestruar një sasi prej 78 kg drogë e llojit kanabis, e cila po transportohej nga të rinjtë duke e mbajtur në shpinë.
Ata u arrestuan në një zonë pyjore në Kestrini Thesprotia.
Policia sqaron se ka kapur tre çanta brenda të cilave kishte 43 pako kanabis me peshë të përgjithshme prej 78 kg e 481 gram. Hetimet po vijojnë nga departamenti i narkotikëve në Igumenicë.
