Ankesa e qytetarëve në Delvinë: Vonesa në shpërndarjen e pagesave për invalidët

29/09/2514:54

Shperndaje:

Ankesa e qytetarëve në Delvinë: Vonesa në shpërndarjen e pagesave për invalidët

Qytetarë nga Delvina kanë denoncuar përmes Saranda Web se ende nuk janë shpërndarë pagesat mujore për invalidët, të cilat zakonisht jepen jo më vonë se data 25 e çdo muaji. Sot është 29 shtator dhe pagesat nuk janë realizuar, duke krijuar pakënaqësi dhe vështirësi për përfituesit.

Delvina u dogj pasi zjarrfikëset e ushtrisë mbetën pa ujë, banorët kërkojnë dëmshpërblim

Sipas informacioneve, Bashkia Delvinë ka deklaruar se fondet janë dërguar në bankë që ditën e enjte, por vonesa vijon. Qytetarët theksojnë se një situatë e tillë është e pajustifikueshme, pasi invalidët kanë nevoja të ngutshme jetësore dhe çdo ditë vonesë e rëndon situatën e tyre.

“Invalidët kanë halle. Shteti u kërkon të jenë në kohë me pagesat, por nuk jep ndihmën në afat” – shprehen qytetarët e prekur.

Saranda Web do të vijojë të ndjekë këtë çështje për të kërkuar sqarime nga institucionet përkatëse dhe për të përcjellë zërin e qytetarëve tek autoritetet vendimmarrëse.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb