Aksion në Ksamil, IKMT dhe Policia Bashkiake shembin një shtëpi

Një aksion i përbashkët mes IKMT-së dhe Policisë Bashkiake të Sarandës është zhvilluar sot në zonën e Ksamilit, ku është prishur një banesë që konsiderohej ndërtim pa leje.

Ndërhyrja u krye pa përplasje apo rezistencë nga ana e banorëve, ndërsa mësohet se objekti ishte ngritur në mënyrë të paligjshme dhe jashtë kritereve të lejuara nga ligji. Sipas burimeve zyrtare, banesa ishte ndërtuar në një zonë ku ligji ndalon çdo lloj ndërhyrjeje pa leje të posaçme, për shkak të rëndësisë së veçantë mjedisore dhe turistike të territorit.

Aksioni vjen në kuadër të operacioneve të vazhdueshme për verifikimin dhe shembjen e ndërtimeve informale, veçanërisht në zonat turistike, ku autoritetet synojnë lirimin e hapësirave publike dhe mbrojtjen e integritetit urban e ambiental. Ksamilit, si një nga pikat më të frekuentuara turistike të jugut, i është kushtuar një vëmendje e shtuar gjatë sezonit të verës, për të frenuar fenomenin e ndërtimeve abuzive.

IKMT ka paralajmëruar se kontrollet do të intensifikohen edhe në ditët në vijim, duke përfshirë jo vetëm zonat bregdetare por edhe ato periferike, ku është evidentuar një shtim i ndërtimeve pa leje gjatë muajve të fundit. Autoritetet kanë kërkuar bashkëpunim nga qytetarët dhe institucionet vendore për të sinjalizuar çdo rast shkeljeje të ligjit urbanistik, në funksion të një zhvillimi të qëndrueshëm dhe në përputhje me standardet që kërkon një destinacion ndërkombëtar si Saranda dhe Ksamilit.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb