Një aksident me një të vdekur ka ndodhur gjatë orëve të natës.Aksidenti ka ndodhur në një prej akseve rrugore më të vështira Bogaz-Janjar, në fshatin Ninat.
Nga aksidenti ka humbur jetën Edmond Mehmeti, banues në fshatin Janjar.
Megjithëse përpara 5 vitesh në këtë rrugë filloi puna për zgjerimin dhe asfaltimin e rrugës, ajo nuk përfundoi asnjëherë, pasi që prej shtatorit të vitit 2013 punimet u ndërprenë për të mos filluar më kurrë, duke bërë që rruga të rikthehet në gjendjen fillestare, madje edhe më keq.
Banorët e zonës kurdoherë kanë apeluar për rifillimin e punimeve, por zeri i tyre ka rënë në veshin e shurdhër të pushtetarëve.
