Aksident në aksin Sarandë-Delvinë: Makina përfundon në kanal
Një aksident rrugor ka ndodhur mbrëmjen e djeshme rreth orës 21:35 pranë fshatit Shijan, në aksin rrugor Sarandë-Delvinë. Një automjet tip “Volkswagen Golf” ka humbur kontrollin dhe ka përfunduar i përmbysur në një kanal përgjatë rrugës.
Si pasojë e aksidentit, janë lënduar drejtuesi i mjetit, shtetasi L. B., dhe një pasagjer. Të plagosurit u transportuan me urgjencë drejt spitalit, ku fatmirësisht mjekët konfirmuan se janë jashtë rrezikut për jetën.
Policia mbërriti menjëherë në vendngjarje dhe po punon për të zbardhur rrethanat dhe shkaqet që çuan në këtë aksident. Hetimet e para sugjerojnë se humbja e kontrollit të mjetit mund të ketë ardhur si pasojë e shpejtësisë ose kushteve të rrugës, por detajet mbeten ende për t’u konfirmuar.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
