Aksident i rëndë në Borsh, humb jetën shoferi, 2 pasagjerë mbeten të plagosur

Himarë/Informacion paraprak

Sot, rreth orës 05:30, në aksin rrugor Sarandë-Borsh, shtetasi Jorgo Bitri rreth 60 vjeç, duke drejtuar automjetin tip “Opel”, ka humbur kontrollin mbi drejtimin e mjetit dhe si pasojë ka dalë nga rruga.

Si pasoje e aksidentit ka ndërruar jetë drejtuesi i automjetit shtetasi Jorgo Bitri si dhe kanë ngelur të dëmtuar 2 pasagjerët, shtetasit L. K., 44 vjeç dhe A. Z., 47 vjeç, të cilët ndodhen në spital, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.