18 Prilli Dita Botërore e Monumenteve, vizitat në Butrint FALAS

18 Prilli është Dita Botërore e Monumenteve dhe Parku Kombëtar i Butrintit ka vendosur të hap dyert për ta vizituar FALAS.
Këshilli Ndërkombëtar i Monumenteve dhe Vendbanimeve Historike, (ICOMOS) gjatë një mbledhje në Tunizi, më 18 prill 1982, vendosi që kjo datë të jetë dita ndërkombëtare e monumenteve dhe vendbanimeve historike.

Në nëntor 1983 Konferenca e Përgjithshme e UNESCO-s u rekomandonte shteteve anëtare që të shqyrtonin mundësinë e deklarimit të 18 prillit të çdo viti “dita ndërkombëtare e monumenteve dhe vendbanimeve historike”.
Ndërsa shumë vende dhe rajone kanë krijuar ditët e tyre të trashëgimisë, të tilla si Ditët e Trashëgimisë Evropiane, që përkujtohen çdo vit në muajin shtator.

Dita ndërkombëtare e monumenteve dhe vendbanimeve historike paraqet një mundësi për të gjithë Komitetet Kombëtare të ICOMOS-s që të mbrojnë qëllimet e tyre të përbashkëta në të njëjtën ditë.