Punimet e “Rilindjes së Sarandës” peng i fushatës elektorale.
Përfundimi i punimeve në Qendrën e Sarandës dhe Rrugën e Flamurit kanë hyrë përfundimisht në Kalendat greke. Megjithëse afati i përfundimit të tyre ka 2 muaj që ka kaluar, punimet duket se mbahen peng nga fillimi i fushatës elektorale.
Në Sarandë prej vitesh ishte bërë traditë që fundjavën e parë të muajit Maj të organizohej edhe ceremonia e çeljes së sezonit turistik. Këtë vit Saranda është shumë larg celjes se sezonit turistik, megjithëse qyteti vizitohet cdo javë nga anije turistike që sjellin mijëra turistë.
Qytetarët janë të vetëdijshëm që përfundimi i punimeve të nisura në qendrën e qytetit mbahet peng nga gershërët e politikës, pasi në të gjithë kantierin e punimeve punëtorët i numëron me gishtat e duarve, në një kohë që në Sarandë punëtorët e ndërtimit janë pothuajse të gjithë pa punë.
