Pas një heshtje që e kishte kapluar degën lokale të Partisë Demokratike gjatë ditëve të fundit, gjatë orëve të mbrëmjes së djeshme është vërë re një zgjim te faqja në facebook. Fillimisht kanë qenë disa shpërndarje të postimeve të faqes zyrtare pd.al dhe të deputetit Ristani, për të ardhur te një postim i faqes ku lajmëronin se përfundimisht PD kishte trimfuar mbi oligarkine, e shoqëruar me dy foto të ish-deputetit Kokëdhima dhe drejtorit të transporteve Klement Balili dhe tekstin :“OLIGARKET E SARANDES RANE !
Fitore historike e opozites, dite te medha per Drejtesine !
Koco Kokedhima, drejtuesi i gjithe levizjeve ne administraten publike te Sarandes, Kryetari de facto i Bashkise Sarande, kontrollori i gjithe tenderave publike ne qytet, Kryetari de facto i PS Sarande, tashme eshte nje Ish. Ai humbi mandatin e tij si deputet, me nje vendim te Gjykates Kushtetuese, si perfitues i qindra milione leke nga tenderat publike !
Kelmend Balili, Drejtor i Drejtorise Rajonale te Transportit Rrugor ne Sarande, financues i LSI, mik i Ilir Metes, xhaxhai i Kryetarit te Bashkise Delvine, biznesmen, bashkedrejtues i levizjeve ne administraten publike ne Sarande e Delvine, tashme person i shpallur ne kerkim nga policia greke pas hetimeve te DEA Amerikane, si Drejtues i nje prej organizatave me te medha te trafikut te droges ne Europe.” – përfundon statusi në faqen e PD Sarandë.
.
