Pa liçencë, mes mykut dhe produkteve të paetiketuara, bllokohen tre biznese

19/08/1918:29

Shperndaje:


Autoriteti Kombëtar i Kontrollit ka bllokuar tre biznese në Himarë nga mungesa e liçencës, produkte të paetiketuara dhe kushteve higjenosanitare. Biznesi i parë tregtonte mallra ushqimore dhe furrë buke. Nuk përmbante licensën përkatëse, pa plan për manualin e vetkontrollit. Aktiviteti ushtrohej në kushte të papërshtatshme higjeno-sanitare me një dysheme të dëmtuar dhe të çarë si dhe prezencë myku në mure, një sasi prej 33 kg mocarela të paetiketuara. Për shkeljet e konstatuara u bllokua biznesi deri në plotësimin e kushteve dhe u vendos një gjobë prej 1.550.000 lekësh.

Biznesi i dytë është një market ushqimor dhe ushtronte aktivitetin e papajisur me liçencën përkatëse, pa sistemin e gjurmueshmërisë, pa planin me manualin e vetkontrollit si dhe u konstatua një sasi prej 39 kg gjalp e paetiketuar. Për shkeljet e konstatuara trupa inspektuese u bllokua aktiviteti i biznesit dhe u vendos një gjobë prej 1.200.000 lekësh.

Biznesi i tretë është një Fast Food, ushtronte aktivitetin i papajisur me liçencën përkatëse, në kushte të papërshtatshme higjeno-sanitare, ku tualeti ishte në një ambjent me prodhimin, pa sistemin e gjurmueshmërisë dhe pa planin me manualin e vetkontrollit. U gjet gjithashtu edhe sasia prej 80.5 kg djath kaçkavall dhe 60 kg gjizë të paetiketuara. Për shkeljet e konstatuara trupa inspektuese u vendos bllokimi i aktivitetit, bllokimi i 140.5 kg produkte ushqimore dhe një gjobë prej 1.100.000 lekësh.

Autoriteti Kombëtar i Ushqimit do të vijojë kontrollet në të gjithë vendin për të garantuar sigurinë ushqimore duke shmangur çdo praktikë abuzimi në dëm të shëndetit të konsumatoreve


Postimet e fundit

©SARANDAWEB - 2021 • Ndalohet riprodhimi i paautorizuar i përmbajtjes së kësaj faqeje.