Një denoncim për vjedhjen e 2 telefonave, 1 tableti, 1 çante dhe dokumentash mbërrin në Saranda Web. Ngjarja ka ndodhur 1 natë më parë në një prej dhomave të një hoteli luksoz në Sarandë. Në këtë rast, pre e hajdutëve ka rënë turisti polak S. H 37 vjeç dhe bashkëshortja e tij shqiptare, të cilët sipas raportimit kanë bërë edhe kallëzim në polici për ngjarjen.Ndërkohë që edhe policia e Sarandës raporton për 2 raste të tjera vjedhjesh dhe konkretisht:
Më datë 17.08.2016, gjatë natës, në lagjen Nr.1, është vjedhur banesa e marrë me qira nga shtetasi E.K, vjeç 37 ku i kanë marrë kartën e identitetit, lejen e qarkullimit të automjetit, 90.000 lekë dhe një varëse floriri. Policia njofton se po punohet për identifikimin dhe kapjen e autorit.
Më datë 17.08.2016, u arrestua në flagrancë shtetasi D. S, vjeç 34, banues në Sarandë, pasi dyshohet se, në banesën e shtetasit H.H, vjeç 48, ka vjedhur një telefon si dhe 46.000 lekë.
