Fillon ndërtimi maternitetit të ri në Sarandë

Përfundimisht ka filluar puna për ndërtimin e maternitetit dhe shërbimit të ri të kirurgjisë dhe patologjisë në spitalin e Sarandës. Këto investime llogariten në vlerën rreth 2 milionë euro. Prej kohësh ambientet e maternitetit ishin në një gjendje të mjerueshme, deri edhe në rrezik për jetën e nënave dhe foshnjave që lindnin në këto mjedise. Ndërtimi i këtyre ambienteve të reja do të sjelli edhe rritje të cilësisë së shërbimeve në spitalin e Sarandës dhe u jep fund hamendësimeve se spitali i Sarandës mund të shkonte drejt mbylljes.

.