Bashkia Sarandë, dhurata për familjet në nevojë për familjet në nevojë

Bashkia e Sarandës shpërndan dhurata për familjet më në nevojë, për të ndikuar sadopak që diçka të ndryshojë në tryezën e tyre në natën e ndërrimit të viteve. Nga të ardhurat e qeverisjes vendore, janë përgatitur dhe janë shpërndarë 150 paketat e para ushqimore. Në shpërndarjen e një pjese të tyre, ka marrë pjesë Kryetarja e Bashkisë, Florjana Koka. Ajo ka dorëzuar paketat ushqimore në disa familje në lagjen Nr. 4 të qytetit të Sarandës, si dhe në familjet rome, që banojnë në zonën e ish-ndërmarrjes së grumbullimit. Bashkë me urimin për një vit të ri më të mirë e më të mbarë për ata, Koka, duke dorëzuar paketën ushqimore, u tha atyre se “E di që nevojat tuaja janë për të gjithë vitin dhe për më shumë mbështetje, por le të vijë kjo ndihmë e Bashkisë si një shenjë e vëmendjes në rritje të qeverisjes vendore dhe si nje akt simbolik për të treguar që nuk jeni të harruar”.