Disa familje në lagjen nr.1 në Ksamil denoncojnë se prej një viti kanë mbetur thuajse të izoluar në shtëpitë e tyre, pasi rruga e përbashkët është zaptuar nga disa persona.
“Ka qenë e hapur. Zotëria më vonë ndërtoi dhe e mbylli njëherë me një gardh, avash, avash me një tjetër e bllokoi me beton tani dhe thotë që e kam të marrë me lagalizim, e kam blerë thotë, por ajo është rrugë dhe a mund të blihet rruga?!”
“Këtu njëherë është bllokuar fare. Unë andej i kam çunat, do të vete. Se nga të shkoj dhe nga të fluturoj, unë nuk e di”, shprehen banorët.
Thonë se për këtë shqetësim i janë drejtuar Bashkisë së Sarandës, por ankesat nuk janë marrë parasysh, madje kanë marë edhe përgjigjen se rrugën e keni.
“Nëse kjo nuk merr zgjidhje nga shteti do të veprojmë vetë pastaj”, shprehet banori.
Në këto kushte janë detyruar të hapin këtë rrugë provizore.
Por veç rrugëve të lagjeve, banorët e Ksamilit denoncojnë se edhe akset kryesore në zonës turistike kanë mbetur premtime elektorale
“Edhe këto që janë bërë një pjesë me çakull, i kemi bërë vetë ne me forcat tona”, tregon banori.
Nëse nuk gjejnë një zgjidhje nga Bashkia e Sarandës banorët e kesaj lagje në Ksamil, paralajmërojnë se do veprojnë vetë.
VIDEO
