Kur kanë mbetur vetëm pak ditë nga zyrtarizimi i emrave të kandidatëve të Partisë Socialiste për bashkitë, kandidati i kësaj force politike për Sarandën duket se është përcaktuar.
Bëhet fjalë për Ardian Kolën, aktualisht drejtues i Degës së PS Bashkia Sarandë.
Drejt këtij vendimi të Partisë Socialiste kanë ndikuar të gjitha sondazhet e zhvilluara në rrjetet sociale, por edhe një sondazh i një kompanie, rezultatet e të cilit ndodhen në tavolinën e Edi Ramës, ku Ardian Kola vlerësohet kandidati më i mirë nga PS.
Partia Socialiste ka patur disa emra në qarkullim, ku kryesorët kanë qenë Ardian Kola, Adrian Gurma dhe Florjana Koka.
