Zjarri në Korfuz del jashtë kontrollit, flakët mbërrijnë në shtëpitë e periferisë

Një zjarr i madh ka rënë në Korfuzin e Veriut, në Kasiopi. Zjarri shpërtheu në Loutses dhe shtrihet në disa fronte me shpërthime në të dy anët veriore dhe jugore të majës së malit.

Pak para orës 20:30 u dërgua një mesazh nga 112 për evakuimin e vendbanimeve Portes, Megoula, Simies, Palea Perithia dhe Saga në Kassiopi . Në të njëjtën kohë, flakët po i afrohen vendbanimeve Santa dhe Megula.

Kryetari i bashkisë së Korfuzit të Veriut, Giorgos Machimaris, i cili ndodhet në vendbanimin Megoulas, duke folur për Agjencinë e Athinës, tha se “është një situatë e vështirë dhe zjarri në vendbanimin Megoulas ka arritur në shtëpitë e para. Së bashku me Mbrojtjen Civile dhe banorët që refuzojnë të largohen nga shtëpitë e tyre sepse duan të mbrojnë pronat e tyre, zjarrfikësit dhe policia po luftojnë për të ndalur pjesën e përparme të zjarrit”.