U fut me skaf në plazh, Policia i vendos gjobë 2 milionë lekë, bllokon edhe skafin

26/07/2315:44

Shperndaje:

Policia njofton se shërbimet e Policisë Kufitare Sarandë, në bashkëpunim me Njësinë Policore Detare, falë shkëmbimit të informacionit me partullat tokësore të Policisë që patrullojnë me biçikleta në vijën bregdetare, me qëllim garantimin e rendit dhe sigurisë publike në zonat turistike, si dhe për kontrollin e përdorimit të mjeteve lundruese, kanë ndërhyrë menjëherë në plazhin e Ksamilit, duke bërë bllokimin e një mjeti lundrues që kishte dalë në breg të detit duke shkelur perimetrin e sigurisë ujore për plazhistët dhe duke vënë në rrezik jetën e tyre.

Shërbimet e Policisë Kufitare e kanë ndëshkuar drejtuesin e mjetit lundrues, shtetasin S. Sh., me masën administrative 200 000 lekë të rinj.

Mjeti lundrues i bllokuar është shfaqur edhe në video të postuara në rrjetet sociale.

Policia Kufitare apelon për të gjithë përdoruesit e mjeteve lundruese, që të respektojnë me rigorozitet perimetrin e sigurisë ujore për plazhisët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete.

Gjithashtu, fton qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin pa pagesë 112, duke iu garantuar reagim të shpejtë, në bazë të ligjit.


Ndajeni me miqte:

Postimet e fundit

Zjarr në periferi të fshatit Finiq, flakët rrezikojnë Parkun Arkeologjik – VIDEO
By Pass-i i Sarandës: hapet procedura e ndërtimit – VIDEO
Orion Rental & Exchange në Sarandë kërkon të punësojë Punonjëse Zyre
Restaurant Horizonti në Borsh kërkon Zgarist, Banakier dhe Kamarier. Ofrohet akomodim
Fast Food Geri në qendër të Sarandës kërkon mjeshtër për sufllaqe
Bar Lulishte Butrinti në Sarandë një tjetër alarm për një godinë me histori të rrallë – VIDEO

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.