Reklamë I Love Orange

Taksistët protestojnë para Bashkisë Sarandë, kërkojnë zgjidhje për konkurrencën e pandershme dhe parkimet

Taksistët protestojnë para Bashkisë Sarandë, kërkojnë zgjidhje për konkurrencën e pandershme dhe parkimet

Rreth 60 shoferë taksie kanë protestuar paraditen e sotme përpara Bashkisë Sarandë, duke ngritur shqetësime për kushtet e ushtrimit të aktivitetit të tyre dhe atë që e cilësojnë si konkurrencë të pandershme në tregun e transportit të pasagjerëve.

 

 

Në ambientet përpara bashkisë u vu re një prani e shtuar e forcave të policisë. Protestuesit tentuan të hynin në godinën e Bashkisë Sarandë për të zhvilluar një takim me drejtuesit vendorë, por sipas tyre u penguan fillimisht nga forcat e rendit.

 

Pas rreth dy orësh protestë dhe qëndrimi para institucionit, një përfaqësi e taksistëve u lejua të hynte në bashki për të zhvilluar një takim me përfaqësues të administratës vendore, ku pritet të diskutohet mbi problematikat e ngritura nga sektori i transportit.

 

Sipas kërkesës së depozituar nga protestuesit, taksistët pretendojnë se në Sarandë operojnë mjete të shumta që ofrojnë shërbim transporti pa licencat përkatëse, duke krijuar konkurrencë të padrejtë ndaj operatorëve të licencuar. Ata shprehen gjithashtu se automjete të ardhura nga zona të tjera, si Tirana, Konispoli, Delvina dhe Finiqi, ushtrojnë aktivitet në qytet pa marrë masa nga institucionet përgjegjëse.

 

Një tjetër shqetësim lidhet me parkimet e dedikuara për taksitë. Sipas tyre, katër taksi të Finiqit janë të parkuara prej kohësh në zonën pranë terminalit të trageteve në Sarandë, ndërsa kërkojnë ruajtjen e vendparkimeve ekzistuese dhe krijimin e hapësirave të reja të përshtatshme për shërbimin e taksive.

 

Në kërkesat drejtuar Bashkisë Sarandë, protestuesit kërkojnë vendosjen e parkimeve të sakta për taksitë, mbrojtjen e vendparkimeve aktuale nga Policia Bashkiake, verifikimin e mjeteve që operojnë pa dokumentacionin e nevojshëm teknik dhe ligjor, si dhe marrjen e masave ndaj subjekteve që ushtrojnë aktivitet në mënyrë të paligjshme.

 

Takimi mes përfaqësuesve të taksistëve dhe zyrtarëve të bashkisë vijon, ndërsa protestuesit presin një zgjidhje konkrete për shqetësimet e ngritura prej tyre. Saranda Web

 

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Butrinti rikthehet te fitoret, triumfon bindshëm 3-0 ndaj Tomorit – VIDEO

Butrinti rikthehet te fitoret, triumfon bindshëm 3-0 ndaj Tomorit – VIDEO

22 Nëntor 2026 15:44
Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 10:15
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47