Shkon në 51 numri i personave të prekur me koronavirus në Shqipëri! 3 infermierë dhe 1 mjek të infektuar

9 raste të reja janë konfirmuar me koronavirus në Shqipëri gjatë 24 orëve të fundit, (51 në total) ndërkohë që nuk ka një zgjerim të hartës së qyteteve të prekura.
Teksa nga njëra anë ka shifra disi optimiste sa i përket pacientëve, bilanci është negativ për mjekët.
Në total 6 persona të stafit mjekësor kanë rezultuar pozitiv.
Sot janë shtuar 4 raste të reja, 3 infermierë dhe 1 mjek në spitalin “Shefqet Ndroqi” në Tiranë, përveç rastit të djeshëm dhe atij në Durrës.

Ashtu si kurse është raportuar më herët, ky virus u transmetua tek mjekët e Sanatoriumit nga një vizitor i “pandërgjegjshëm” i cili ua kishte mbajtur të fshehtë personelit që kishte qenë në Itali vetëm disa ditë më parë.