“Pritet shiriti” i inaugurimit të punimeve për ujësjellësin e Sarandës nga burimet e Tatzatit

01/04/2611:27

Shperndaje:

“Pritet shiriti” i inaugurimit të punimeve për ujësjellësin e Sarandës nga burimet e Tatzatit

Një zhvillim i shumëpritur për banorët e jugut është bërë publik sot, ku është inauguruar zyrtarisht nisja e punimeve për ujësjellësin e ri që do të furnizojë Sarandë nga burimet e Tatzatit.

 

Pritet shiriti i inaugurimit të punimeve për ujësjellësin e Sarandës nga burimet e Tatzatit

 

 

“Ky është një lajm simbolik me rastin e 1 Prillit…”

 

Në një ceremoni “të shumëpritur” që ka bërë xhiron e imagjinatës së qytetarëve, është “inauguruar” nisja e punimeve për ujësjellësin e ri që do të furnizojë Sarandë nga burimet e Tatzatit, një projekt që prej vitesh përmendet, por ende nuk është bërë realitet.

 

Në ceremoninë e organizuar me këtë rast morën pjesë Kryeministri Edi Rama, kryebashkiaku i Sarandës Oltion Çaçi, si dhe deputeti Ardit Bido. Të pranishmit theksuan rëndësinë e këtij projekti për zhvillimin turistik dhe përmirësimin e cilësisë së jetesës në qytet dhe zonat përreth.

 

Gjatë fjalës së tij, Kryeministri Rama u shpreh se ky investim do të garantojë furnizim të qëndrueshëm me ujë 24 orë në ditë, duke i dhënë fund njëherë e përgjithmonë ndërprerjeve dhe krizave të përsëritura gjatë sezonit turistik. Ndërkohë, kryebashkiaku Çaçi e cilësoi këtë si një “moment historik për Sarandën”, ndërsa deputeti Bido theksoi se projekti do të ndikojë drejtpërdrejt edhe në zhvillimin ekonomik të gjithë rajonit.

 

Punimet pritet të zgjasin disa muaj dhe të përfundojnë përpara sezonit të ardhshëm turistik, duke sjellë një transformim të madh në sistemin e furnizimit me ujë për qytetin bregdetar.

Ky material është realizuar në kuadër të 1 Prillit dhe nuk përfaqëson një zhvillim real.

Mos e merrni seriozisht 😉

 


Ndajeni me miqte:

Postimet e fundit

Arameras Resort në Ksamil kërkon të punësojë Financier/e
“Pritet shiriti” i inaugurimit të punimeve për ujësjellësin e Sarandës nga burimet e Tatzatit
Ishte liruar përpara 7 muajsh, Jorgo Goro rikthehet përsëri pas hekurave në qeli
Hotel L’amo del Mare në Ksamil kërkon Recepsioniste dhe Kuzhinier/e
Ndahet nga jeta doktoresha e njohur nga Konispoli Drita Ademi
Art & Tourism Development Group kërkon të punësojë staf për sezonin në Sarandë

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.