Nga nesër Task Forca zbarkon në Sarandë

Pas shpalljes së Sarandës dhe bashkive përreth si zona të papushtuara nga armiku i padukshëm, nga dita e nesërme pritet zbarkimi i një Task Force për zbatimin e masave dhe orareve  të përcaktuara nga ana e qeverisë.

Pasditen e sotme, ka qenë vetë drejtori i Policisë së Shtetit Ardi Veliu, i cili nga Saranda ka komunikuar se zonat e gjelbra, ku përfshihet edhe Saranda, do të blindohen për të bërë të mundur që në këto zona të mos hyjnë qytetarë nga zonat e tjera.
Burime të Saranda Web bëjnë me dije se kontrollet e policisë do të përqëndrohen në zonat e plazheve, pasi dyndja drejt plazheve ka qenë një prej fenomeneve që ka shqetësuar më shumë autoritetet.

Gjithashtu, zbatimi i orareve të përcaktuara do të jetë prioritet i punës së policisë.