Ministri Klosi: Priten 7 milionë turistë në vitin 2020

Ministri i Turizmit Klosi duke sjellë pamje nga Llogaraja, ku ka theksuar se për vitin 2020 priten të vijnë 7 milionë turistë, pasi edhe me gjithë turbullinë që solli koronavirusi shkurti u mbyll me 13.4 % turistë më shumë se shkurti i vitit të kaluar.

“Shtimi i numrit të turistëve në muajin Janar ka qenë 17.8 për qind më shumë se i njëjti janar i 2019, shkurti u mbyll me 20 ditët e para me 17.7 % më shumë se 20 ditët e para të shkurtit të vitit të kaluar, por i gjithë shkurti falë turbullisë që solli koronavirusi u mbyll me 13.4 % .
Pra ne presim padyshim një arritje pa dyshim të 7 milionë turistëve të huaj në Shqipëri në vitin 2020.
Çfarë përfiton vendi, Carë përfiton ekonomia e qytetit, çfarë përfiton destinacioni. Kjo është pyetja që askush Akoma nuk di t’i japë përgjigje”, tha Klosi.

Këtë vit do të kalojë për diskutim publik dhe ligji i lundrimit, që do të zhvillojë turizmin e jahteve, krocerave dhe mjeteve më të vogla.