Konfirmohen dy rastet e para me koronavirus në Shqipëri

Konfirmohen dy raste e para të importuara me COVID-19 në Shqipëri. Sipas informacioneve mësohet se të prekurit janë babë e birë dhe kanë ardhur nga Italia.

Gjendja e dy të prekurve babë e bir që kanë udhëtuar nga Firence në Tiranë është e stabilizuar dhe nuk paraqesin komplikacione. Në një njoftim për mediat ministria shkruan se strukturat e urgjencës kombëtare dhe ISHP janë duke ndjekur protokollin klinik dhe epidemiologjik për të dy rastet.

Ministria e Shëndetësi7së dhe Mrojtjes Sociale më tej përsërit thirrjen për qytetarët që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr.127, ku mjekët tanë do t’i përgjigjen çdo rasti. Dosja.al