Komisariati Dixhital arreston ndërtuesit në Ksamil

18/01/1612:54

Shperndaje:


ksamil 2

Sipas një njoftimi të bërë në aplikacionin “KOMISARIATI DIXHITAL”,  Policia ka arrestuar në flagrancë një person dhe ka shpallur në kërkim 2 të tjerë, për veprën penale “Ndërtim i paligjshëm”. Eshtë arrestuar një shtetas 53 vjeçar, banues në fshatin Ksamil – Sarandë. Arrestimi në flagrancë i këtij personi u bë pasi: Sipas një njoftimi të bërë në “Komisariatin Dixhital” për “disa shtetas që po kryejnë dy ndërtesa pa leje”, menjëherë Strukturat e Policisë filluan hetimet dhe kanë kapur në flagrancë  këtë shtetas, duke kryer punimet e objektit në fjalë, në hyrje të Ksamilit. Objekti në punime e sipër përbëhet nga dy ndërtesa, njëra me përmasa 7m e gjatë, 5m e gjërë, 2.5m e lartë, si dhe ndërtesa tjetër e sapo nisur, të ndërtuara me material bllok betoni, pa leje dhe pa asnjë lloj dokumentacioni ligjor. Ky ndërtim përmbush elementet e një ndërtimi të paligjshëm. Nga hetimet e mëtejshme, shërbimet e Policisë, kanë konstatuar se ky shtetas e ka ushtruar këtë vepër penale në bashkëpunim me dy shtetas të tjerë, të cilët Policia i ka identifikuar dhe i ka shpallur në kërkim.  Materialet i kaluan Prokurorisë në ngarkim të shtetasve të mësipërm, për veprën penale “Ndërtim i paligjshëm, në tokë publike”, kryer në bashkëpunim.


Ndajeni me miqte:

Postimet e fundit

Kapiteneria e Portit: Nesër ndalohet dalja në det për çdo mjet turistik dhe peshkimi
Hotel Queen Margaret Seaside kërkon Sanitare
Sinoptikani grek paralajmëron shqiptarët: Bëhuni gati për stuhi të fuqishme
Mbledhja e Këshillit Bashkiak Sarandë 29 Gusht 2025 – VIDEO
“Mr. Crabs” në Ksamil kërkon Kamarier për Shtator dhe Tetor. Ofrohet akomodim
La Mar Restaurant në shëtitore kërkon Kamarier/e, Ndihmës Kamarier/e dhe Sanitare

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.