Jorgo Kaça shpall kandidaturën për deputet nën siglën e PSD të Tom Doshit

Jorgo Kaça shpall kandidaturën për deputet nën siglën e PSD të Tom Doshit

Jorgo Kaça ka shpallur zyrtarisht kandidaturën e tij për deputet në qarkun e Vlorës, për zgjedhjet parlamentare të 11 majit 2025. Ai do të garojë nën siglën e Partisë Social Demokrate (PSD), të udhëhequr nga Tom Doshi.

Jorgo Kaça e cilëson këtë proces zgjedhor si një moment vendimtar për të ardhmen e zonës së Sarandës dhe premton një angazhim të palëkundur për zhvillimin e saj.

“Unë qëndroj para jush me një vizion të qartë dhe një angazhim të fortë për të kontribuar për një të ardhme më të mirë për të gjithë bashkëqytetarët e mi. Saranda dhe gjithë jugu i vendit janë një destinacion i njohur ndërkombëtarisht për turizmin, dhe është koha që t’i kthejmë shtëpitë tona në burim të ardhurash, duke krijuar më shumë mundësi punësimi për banorët e zonës dhe më gjerë,”shprehet ai.

Jorgo Kaça thekson rëndësinë e përfshirjes së qytetarëve në vendimmarrje dhe premton të jetë një zë i fuqishëm për ta në Kuvend.

“Unë jam këtu për t’ju përfaqësuar, për të dëgjuar shqetësimet tuaja dhe për të punuar pa u lodhur për realizimin e aspiratave tona të përbashkëta. Së bashku, mund të ndërtojmë një të ardhme që na bën krenarë të gjithëve.”

Zgjedhjet e 11 majit pritet të jenë një garë e fortë në qarkun e Vlorës, ku Saranda luan një rol kyç për shkak të rëndësisë së saj strategjike dhe turistike.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb