Hodhën në rrugë 125 kg kanabis dhe u larguan, arrestohen 3 persona

Tre shtetas shqiptarë të moshës 44, 46 dhe 44 vjec janë arrestuar nga policia greke në afërsi të Filatit, vetëm pak kilometra nga kufiri Shqipëri – Greqi.
Sipas informacioneve, tre shtetasve shqiptarë të cilët udhëtonin me një automjet, iu është bërë shenjë për të ndaluar në postbllok të policisë greke, por nuk kanë ndaluar duke rritur shpejtësinë.
Gjatë ikjes, ata kanë hedhur nga automjeti disa canta me kanabis dhe kanë braktisur automjetin për tu larguar në një zonë me pyje, por janë kapur shumë shpejt nga policia.
Policia greke ka sekuestruar 5 canta me rreth 124 kg kanabis, ndërkohë që automjeti i përkiste një shoqërie automjetesh me qera dhe ishte kontraktuar nga një 37-vjecar grek, i cili u arrestua në zonën e Athinës.