Gazmend Bardhi u jep shpresë demokratëve: Në qershor do kemi zgjedhje lokale

Sekretari i Përgjithshëm i PD, Gazment Bardhi gjatë takimit të sotëm me strukturat e PD Sarandë, përveç se ka kërkuar angazhim dhe mobilizim në denoncimet ndaj keq qeverosjes dhe abuzimeve të pushtetit, u ka dhënë shpresë demokratëve të Sarandës.
Zgjedhjet lokale do të mbahen shumë shpejt, është shprehur Gazmend Bardhi. Në qershor do të kemi zgjedhje lokale, ose maksimumi në vjeshtë, u ka thënë Bardhi demokratëve të Sarandës.
Pas kësaj deklarate shpresëdhënëse nga ana e Sekretarit të Përgjithshëm të Partisë Demokratike Gazmend Bardhi, salla ka shpërthyer në brohoritje dhe ovacione “Basha, Basha”