Denoncimi i PD Sarandë: Makineria shtetërore përdoret në shërbim të kandidatit të imponuar
Të nderuar bashkëqytetarë! Kishim besuar, në respekt të ligjit, se përballja elektorale e 14 majit dhe ditët e fushatësqë do ta paraprinin atë do të vinin përballë kandidatë, alternativa politike, programe elektorale dhe projekte zhvillimore që në kushte të barabarta do të shkonin tek zgjedhësit, do të dialogonin me ta dhe ata si qytetarë të lirë, pa trysni, pa shantazh, pa makinacione do të bënin zgjedhjen e tyre në të mirë të mirëmenaxhimit të qytetit.
Por, pas tenderave elektoralë nga të gjitha institucionet e pushtetit, në nivel kombëtar, rajonal dhe vendor, pas premtimeve bombastike për rritje pagash dhe pensionesh me gojën e vet kryeministrit në kundërshtim me kodin zgjedhor, pas fryrjes së stafeve dhe borderove me punonjës me kontrata sezonale, ditën e djeshme dhe të sotme pamë me sytë tanë sesi nxënësit e shkollave dhe mësuesit e tyre u përdorën, në shkelje të ligjit mbi arsimin, për promovimin e kandidatit të Partisë Socialiste për Bashkinë Sarandë,Dje Festivali Folklorik Rajonal “Gurra Folk Fest” në Kalanë e Lëkurësit me pjesëmarrës nxënës nga shkollat e rajonit u përdor nga institucionet organizatore për t’i dhënë mbështetjen kandidatit të katapultuar, në përpjekje për të kompensuar mbështetjen e munguar edhe nga vetë anëtarët dhe simpatizantët e partisë së tyre.
Sot ishte radha e mësuesve të shkollave të qytetit të cilët përdoren politikisht dhe kësisoj cënohen në dinjitetin dhe autoritetin që duhet të kenë në misionin e tyre fisnik për edukimin e brezave të rinj të këtij qyteti. Përdorimi i individëve me një pozicion të caktuar në shoqëri në këtë qytet për t’i kuadruar brenda një fotoje në mediat sociale bashkë me kandidatin e imponuar është denigruese për ta dhe nuk mund ta zbus dhe jo më ta çbëjë faktin që kandidati nuk e njeh qytetin, nuk mund të identifikohet me asnjë qytetar dhe se sa pak i njeh problemet dhe hallet, nuk njeh të shkuarën dhe nuk ka për të patur të ardhme.
Në emër të Partisë Demokratike dhe Koalicionit “Bashkë Fitojmë” denoncojmë këto veprime në kundërshtim me ligjin, madje zyrtarisht do t’i përcillen edhe Komisionerit Shtetëror të Zgjedhjeve dhe KQZ-së, dhe ftojmë qytetarët që pa frikë dhe me besim tek demokracia t’i kthejmë këto zgjedhje në një manifestim të vlerave më të larta qytetare dhe të lirë dhe të pandikuar të bëjmë zgjedhjen më të mirë për drejtuesit e rinj të bashkive tona pas 14 majit.
Na ndiqni:
Postimet e fundit
Ndahet nga jeta njeriu i mirë dhe punëtor Vladimir Çumani
20/04/2321:07
NJOFTIM PUNËSIMI në Supermaket Your Market në Qafë Gjashtë
20/04/2321:07
Sherr në Bulevardin e Sarandës, i riu goditet me levë, transportohet në spital
20/04/2321:07
Humb jetën futbollisti veteran Fredi Mërkuri. Ngjarja gjatë një takimi miqësor – VIDEO
20/04/2321:07
Studentja shkërmoq propagandën e ministres: Asgjë nuk po bëni për rininë!
20/04/2321:07
Braktisen punimet e fasadave në Sarandë – FOTO
20/04/2321:07
NJOFTIM PUNËSIMI në Restorant në Bulevardin e Sarandës për Prill-Tetor. Me akomodim & ushqim
20/04/2321:07
Olta Xhaçka: Plazhet ua japim të fortëve mos të vijnë njerëz nga malet me çadra në duar – VIDEO
20/04/2321:07
Freedom House: Demokracia në Shqipëri asnjë përmirësim, liria e medias e përkeqësuar
20/04/2321:07
Vijon aksioni për heqjen e makinave të braktisura nga rrugët e Sarandës
20/04/2321:07
Rezervime
Vila Alvin, Apartament 2+1 me pamje nga deti
20/04/2321:07
River & Sea Side Apartament
20/04/2321:07
Vilë për pushime, me pishinë dhe gjelbërim
20/04/2321:07
Apartament 1+1
20/04/2321:07
Dhomë dyshe me ballkon – Vila Park Bujari Ksamil
20/04/2321:07
Suvenire
PUNIME ARTIZANE ME MOTIVE NGA BUTRINTI, PJETER PERKEQI 27
20/04/2321:07
PUNIME ARTIZANE ME MOTIVE NGA BUTRINTI, PJETER PERKEQI 22
20/04/2321:07
PUNIME ARTIZANE ME MOTIVE NGA BUTRINTI, PJETER PERKEQI 16
20/04/2321:07
PUNIME ARTIZANE ME MOTIVE NGA BUTRINTI, PJETER PERKEQI 21
20/04/2321:07
PUNIME ARTIZANE ME MOTIVE NGA BUTRINTI, PJETER PERKEQI 17
20/04/2321:07