Biznesmeni në Sarandë: Amerika është këtu, iki 10-15 herë me pushime por nuk kemi ujë

Gjatë vizitës në Sarandë, Kryeministri Rama zhvilloi një takim edhe me përfaqësues të biznesit lokal, të cilët ndanë mendimet e tyre për zhvillimin e qytetit dhe problematikat me të cilat përballen.

Një prej sipërmarrësve lokalë, i cili tha se është kthyer nga Shtetet e Bashkuara, u shpreh se Saranda ka potencial të jashtëzakonshëm dhe se ai vetë kontribuon për ta promovuar vendin brenda dhe jashtë kufijve.

“Unë iki 10-15 herë në vit me pushime, dhe kudo promovoj Shqipërinë. U ktheva nga Amerika dhe Amerika për mua është këtu. Ky vend ka bukuri dhe mundësi të mëdha,” – tha biznesmeni.

 

Megjithatë, ai vuri në dukje edhe problemet që hasen në përditshmëri, duke i kërkuar zgjidhje Kryeministrit dhe pushtetit vendor.

“Ka probleme. Kam folur edhe me kryetarin e bashkisë, por ende nuk kemi ujë, pavarësisht se uji derdhet në det. Duhet të asfaltohen të gjitha rrugët dhe të zgjidhen problemet bazë, që të kemi zhvillim të qëndrueshëm,” – theksoi ai.

Kryeministri Rama u shpreh se çështjet që kanë të bëjnë me ujin dhe infrastrukturën do të trajtohen me prioritet, ndërsa ftoi sipërmarrësit të bashkëpunojnë ngushtë me bashkinë për zgjidhjen e tyre.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb