Ardit Bido: Unë jam lab, por Çamëria na përket të gjithëve ❤️

16/03/2512:15

Shperndaje:

Ardit Bido: Unë jam lab, por Çamëria na përket të gjithëve ❤️

 

Kandidati i Partisë Socialiste në qarkun Vlorë, Ardit Bido, ka marrë pjesë në aktivitetin përkujtimor me rastin e 34-vjetorit të themelimit të “Shoqatës Patriotike Atdhetare Çamëria”, dega Sarandë, ku ka theksuar rëndësinë e bashkimit dhe respektit për të gjitha komunitetet e trevës së Jugut, duke veçuar kontributin dhe sakrificën e shqiptarëve të Çamërisë.

 

“Unë jam lab, por Çamëria na përket të gjithëve” – u shpreh Bido, duke përcjellë një mesazh bashkimi dhe përkushtimi për të drejtat e shqiptarëve të Çamërisë, një kauzë të cilën ai ka mbështetur prej vitesh.

 

Ardit Bido Unë jam lab, por Çamëria na përket të gjithëve

 

Ardit Bido falënderon kryetarin e shoqatës “Çamëria” në Sarandë, z. Rexhep Ismaili, si dhe kryetarin e nderit, inxhinierin Hekuran Halili, për ftesën dhe mikpritjen në këtë ngjarje me rëndësi historike dhe kombëtare.

 

“Kjo shoqatë është e para që u regjistrua pas rënies së regjimit komunist, me misionin për të mbrojtur të drejtat e shqiptarëve të Çamërisë” – thekson Bido, duke nënvizuar rolin e saj si zëri i parë institucional në mbrojtje të kësaj çështjeje.

 

Ai vlerësoi gjithashtu praninë e përfaqësuesve të shoqatës “Labëria”, të shoqatës “Tomorri”, të “Shoqatës së Egjiptianëve të Sarandës” dhe të shoqatës “Hasan Tahsini”, si një dëshmi e harmonisë dhe bashkëjetesës së komuniteteve në Sarandë, Delvinë dhe Konispol.

 

“Jam i lumtur që pata mundësinë të takoj miq të mirë, dhe që në këta 17 vite të jetës sime publike aktive kam mbrojtur të drejtat e të gjitha komuniteteve të kësaj treve, me një përkushtim të veçantë për shqiptarët e Çamërisë” – përfundon Bido, duke riafirmuar angazhimin e tij për mbrojtjen e të drejtave dhe identitetit të komunitetit çam dhe gjithë bashkëkombësve në jug të vendit.

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb


Ndajeni me miqte:

Postimet e fundit

Butrinti – Memaliaj, sot ora 14:00, LIVE në Saranda Web
Ardit Bido: Unë jam lab, por Çamëria na përket të gjithëve ❤️
Këtë vit sezoni i zjarreve fillon bashkë me fushatën – PO NDODH në Nivicë
Skuadra e “Shqipëria Bëhet” e para në sondazhin e Saranda Web me 37%
Kep Merli Resort & Residences kërkon të punësojë Hostess
Vasil Llajo: Isha në dilemë prej muajsh, ja pse vendosa të garoj

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.