Ardit Bido në Konispol: Zëri i kësaj zone nuk duhet të mungojë në Parlament

19/04/2519:47

Shperndaje:

Ardit Bido në Konispol: Zëri i kësaj zone nuk duhet të mungojë në Parlament

 

Kandidati për deputet i Partisë Socialiste në qarkun e Vlorës, Ardit Bido, zhvilloi një takim të rëndësishëm me banorët e Konispolit, në një atmosferë të mbushur me energji dhe pjesëmarrje të gjerë qytetare.

 

 

Gjatë fjalës së tij,  Ardit Bido theksoi lidhjen e tij personale dhe politike me këtë zonë:
“Unë këtu vij me zemër, jam çdo vit dhe do të jem çdo vit. Kam 17 vjet që flas publikisht për Konispolin, për fshatrat e tij, për nevojën që kjo zonë të ketë më shumë vëmendje institucionale dhe mediatike.”

 

Në mesazhin e tij politik, Bido u ndal veçanërisht te rëndësia e përfaqësimit të drejtpërdrejtë të zonës në Parlament:

“Nëse nuk zgjedhim ashtu siç duhet, ekziston risku të mbetemi pa një deputet të zonës. Vota për partitë e vogla, edhe kur përfaqësohen nga njerëz të ndershëm, është votë e çuar dëm, sepse sistemi nuk ua jep atyre mundësinë të fitojnë mandat. Dhe për pasojë, Konispoli mbetet pa zë, pa përfaqësim.”

 

 

Ai theksoi se njohja e territorit dhe e problematikave të tij është themeli i çdo angazhimi:

“Mund t’i rendis një më një 13 fshatrat e bashkisë së Konispolit, sepse i kam vizituar të gjitha. Mund të flas për rrugën e Janjarit që ka nisur të shtrohet, për potencialin turistik të Ninatit, për sfidat e Markatit, të Shalësit, të Dishatit e të Vërvës, për investimet që duhen në Mursi, Xarrë, Shendelli e Vrinë, për problemet me ujin në Çiflik dhe në Konispol. E di ku është ‘Bregu i Koçit’ dhe çfarë i mungon.”

 

Në fund,  Ardit Bido bëri një thirrje të qartë:

“Të trokasim derë më derë në çdo fshat të bashkisë. T’i themi çdo qytetari se për të pasur zgjidhje, duhet më parë të kemi një zë që i njeh këto rrugë dhe këto halle. Dhe ky zë do të jetë aty, vetëm nëse vota nuk shpërdorohet.”

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb


Ndajeni me miqte:

Postimet e fundit

Aesthetic Center zgjeron stafin dhe kërkon Masazhier/e dhe Estetiste thonjsh
NJOFTIM Punësimi për Staf në Fast Food SHEJNI në Sarandë
Ilir Proda në Athinë: Bashkëpunimin me INTERPOL-in kundër krimit ndërkombëtar
KEP MERLI Ksamil kërkon të punësojë Head Chef
Njoftim për pozicion të lirë për Kamarier/e në Kozi Bistro në Sarandë
Policia publikon VIDEO: Gjobë një lokali në Ksamil për muzikë tej nivelit të lejuar

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.