Vrasja në Shkallë, Sarandë: Klienti ndërhyri që të mbronte pronarin e lokalit, hajduti e goditi me plumb në kokë

shkalle konispol

DETAJE TE REJA – Një 43-vjeçar nga Konispoli, Pajtim Shehu, ka humbur jetën mesnatën e sotme, duke gdhirë e shtuna, nga një plumb në kokë. Vrasja ka ndodhur në një lokal në fshatin Shkallë të Sarandës, ndërsa Shehu ndodhej në lokal.

Në orën 1:00, në lokal ka hyrë një hajdut që ka kërcënuar pronarin e lokalit Arqile Poci, me qëllimin për ta grabitur. Poci ka bërë thirrje për ndihmë dhe Shehu është gjendur pranë tij duke u përleshur me grabitësin. Por, nduhma që ai ka dhënë ka qënë fatale, sepse hajduti i armatosur e ka qëlluar me plumb në kokë. Si rezultat, Pajtim Shehu ka gjetur vdekjen.

Pas krimit, hajduti është larguar me shpejtëi dhe Policia e qarkut të Vlorës është vënë në ndjekje të tij. Sipas saj, ajo ka rënë në gjurmët e vrasësit.

Ja njoftimi i plotë i Policisë deri në orën 8:00. pasi ngjarja është në zhvillim e sipër.

“Vrasje me armë zjarri në fshatin Shkallë, bashkia Konispol. Një grabitës ka hyrë në lokalin e shtetasit A. P.

Ky i fundit ka kërkuar ndihmën e një bashkëfshatari të tij, Pajtim Shehu, 43-vjeç, nga Konispoli.

Gjatë përleshjes, grabitësi e ka qëlluar me plumb pistolete në kokë Shehun duke e vrarë.

Ngjarja ka ndodhur rreth orës 1.00 të së shtunës.

Policia ndodhet në vendngjarje dhe sipas burimeve është në gjurmë të identifikimit të autorëve.”