Supriza e 2017, Stefan Çipa rikthehet në krye të Bashkisë Sarandë

Kjo për këdo që mund ta lexojë mund të duket si një fantazi.
Ish kryetari i Bashkisë Sarandë Stefan Çipa ka rikthyer sytë nga Bashkia Sarandë, nga vendi ku sic u shpreh ai në pranverë të 2015, u përzu pa asnjë transparencë prej njeriut më të fuqishëm të Jugut deri para pak kohësh, Koço Kokëdhima.
Stefan Çipa ka marrë në Partinë Socialiste postin që mbante Koço Kokëdhima, atë të sekretarin për Emigracionin, por duket se nuk aspak i kënaqur me vetëm kaq. Burime të Saranda Web konfirmojnë se ka një skenar që pas zgjedhjeve parlamentare të 2017, të ketë zgjedhje edhe në Bashkinë Sarandë.
Nuk është e qartë se me çfarë skenari do të provokohen zgjedhjet e parakohshme në Bashkinë Sarandë, por e sigurt është se kandidati i Partisë Socialiste do të jetë ish-kreu i bashkisë Stefan Çipa, për të përmbyllur kështu gjithë ciklin e padrejtësive që pretendohet se ka bërë Koço Kokëdhima në Sarandë.kokedhima-sarande