Autoriteti Rrugor Shqipëtar ka dhënë informacion mbi situatën e rrugëve në të gjithë territorin e vendit. Sipas ARRSH i gjithë territori i vendit është përfshirë nga reshjet e dendura të shiut.
Qarku Vlorë
Në akset e këtij qarku nuk ka probleme për qarkullimin. Situata mbahet në monitorim të vazhdueshëm, sidomos pikat ku ka rënie materialesh. Në Llogara janë në gadishmëri 1 borëpastruese, 1 fadromë dhe 5 punëtorë.
Qarku Gjirokastër
Ka rreshje shiu në të gjithë qarkun. Situata mbahet në monitorim të vazhdueshëm, sidomos në zonat e njohura ku ka rrëshqitje siç janë Shkalla e Zezë ku jane ne gadishmëri 1 fadromë dhe 6 punetorë, dhe Rrapi i Kuqarit, ku janë në gadishmëri 1 fadromë dhe 5 punëtorë. Rekomandohen përdoruesit e rrugës, që në këto zona të respektojnë sinjalistikën e vendosur. Në të gjitha akset e këtij qarku nuk ka probleme për qarkullimin e mjeteve.
