Ndryshimet në lejen e qarkullimit rrugor/ Gonxhe: Kush të dojë mund të mbajë dokumentin e vjetër

22/10/2018:37

Shperndaje:


Drejtor i Përgjithshëm i Drejtorisë së Përgjithshme të Shërbimeve të Transportit Rrugor (DPSHTRR), Blendi Gonxhe në një intervistë për Report Tv ka prezantuar ndryshimet e bëra në lejen e qarkullimit rrugor. Në prononcimin gjatë hapësirës live të pasdites, Gonxhe vuri theksin se këto ndryshime reflektohen pozitivisht në xhepat e qytetarëve shqiptarë, por edhe të vetë institucionit pasi ka një kosto më të ulët.
Ai shtoi se kjo një është e detyrueshme. Pra nëse dikush do të mbajë lejen e vjetër është i lirë.

Ndërkohë, edhe Drejtoria e Përgjithshme e Transportit Rrugor ka reaguar në replika me komentues në Saranda Web, duke sqaruar se:

👌Tjetër RISI dhe LAJM I MIRË për Automotorizimin Shqiptar! DPSHTRR ka propozuar dhe miratuar pranë MIE formatin e ri të Lejes së Qarkullimit të Mjetit Rrugor të regjistruar në Shqipëri! Ky operacion (bazuar në numrin e pritshëm të shërbimeve) do t’ju kursejë qytetarëve ~1.35 milionë Euro për vitin 2021!

🟢AVANTAZHET direkte për qytetarët:
🔺Sot paguhet 3,500 lekë së bashku për lejen aktuale, certifikatën e pronësisë dhe lejen ndërkombëtare të mjetit! DPSHTRR po përgatit procedurën teknike për lëshimin, personalizimin e dokumentit të ri unik që do kushtojë 2,100 lekë, -40%!
🔺Leja e re nuk do ketë vula kolaudimi, për rrjedhojë nuk do bëhet e pavlefshme nga mungesa e vendit për vula si leja aktuale!
🔺Leja e re nuk ka afat vlefshmërie! (Leja aktuale për shkak të vulave të kolaudimit duhet të rinovohej, për kategori të caktuara mjetesh, çdo 5 ose çdo 10 vjet)
🔺Leja e re përfshin të dhëna shtesë qiradhënësi mjeti dhe përdoruesi mjeti dhe do gjenerohet përmes sistemit të ri elektronik, platforma e re eDPSHTRR!
🔺Leja e re unifikon të dhënat dhe eliminon Certifikatën e Pronësisë së Mjetit! (Hiqet një dokument, fitohet kohë)
🔺Leja e re nuk dëmtohet nga lagështia ose palosjet, nuk griset si leja aktuale!
🔺Leja e re përmban elementet e sigurisë të detyrueshme nga Direktiva si: watermark – ose logo identifikuese në brumin e letrës speciale që dallohet vetëm nëse shikohet përmes dritës; fluorescent fibres – ose fije fluoreshente që dallohen vetëm me rreze ultraviolet; fluorescent imprints – ose logo identifikuese e dallueshme vetëm me rreze ultraviolet; hologramë – ose stampë e shndërritshme e integruar në materialin e letrës nga prodhuesi me dizajn të personalizuar!
🔺Leja e re do ketë edhe elementë të tjerë sigurie shtesë si QR code i personalizuar drejtpërdrejt nga sistemi i ri eDPSHTRR, mikrotekst, vizatim ose grafika që ndryshojnë ngjyrën në këndvështrime të ndryshme të dritës, etj!
🔺Cilësia dhe vetitë e letrës së lejes së re do të jenë speciale, e njëjtë me dokumentet e qarkullimit të mjeteve gjermane! Zvogëlohet në maksimum mundësia e manipulimit të të dhënave, për pasojë garantohet besueshmëria në qarkullim dhe për çdo verifikim nga autoritetet e kontrollit brenda/jashtë vendit! (ndryshe nga leja aktuale)
🔺Leja e re do jetë më e vogël, me tre pjesë, më praktike e rezistente, si edhe me çdo të dhënë të mjetit, të kodifikuar!
🔺Leja e re, falë cilësisë, sigurisë dhe përputhshmërisë me Direktivën 1999/37/EC e 29 Prillit 1999 (e përditësuar, 2014), eliminon nevojën për Leje Ndërkombëtare Mjeti! Qytetari që udhëton jashtë vendit lehtësohet nga kosto e angari kohore, sepse sot i duhet që çdo 3 vjet të kërkojë e paguajë leje ndërkombëtare!
🟡SQARIM PLOTËSUES‼️
🔺Leja e re, sapo të jetë disponibël, do jepet për veprimet e reja me mjetin! Leja e re NUK është e detyrueshme për qytetarët që kanë lejen aktuale të mjetit!
🔺Leja e re jo vetëm rrit standardet, por edhe u kursen, kohë e para, qytetarëve!
(Investimi teknologjik i personalizimit në çdo sportel, tërësisht nga DPSHTRR!)


Ndajeni me miqte:

Postimet e fundit

Ionian Premium Villas kërkon Punonjëse për Pastrim
GRILL REPUBLIKA në Shëtitore kërkon Punonjëse pastrimi dhe Pjatalarëse
Hotel ONIX në Ksamil kërkon Punonjëse Pastrimi
Ishte në gjendje të dehur, djeg aksidentalisht banesën e tij
13 të arrestuar në doganën greke të Mavromatit (Qafë Botë)
Ina Majko emërohet zv.ministre e Shëndetësisë dhe Mbrojtjes Sociale

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.